जय जोहार….(Chhattisgarh) सीएम भूपेश बघेल ह आज राजधानी के अपन निवास कार्यालय म वीडियो कांफ्रेंसिंग ल छत्तीसगढ़ म 18 ले 44 बच्छर के मनखे मन ल मुफ्त टीका लगाए के महाअभियान के सुभारंभ करिन। ए दौरान सीएम बघेल ह भिलाई-दुर्ग, रायपुर अउ बिलासपुर म कोविड 19 टीक लगवइया मनखे मन ले चर्चा करिन अउ ओ मन ल कोरोना संक्रमण ले बचाव बर नियम के पालन करे के सलाह घलो दीन हे।
ए अभियान के सुभारंभ करत हुये (Chhattisgarh) सीएम बघेल ह कहिन कि कोरोना संक्रमण ले बचाव बर टीकाकरण ह एकठन महत्वपूर्ण हथियार हे। एखर ले राज्य म कोरोना ल हराय म जरूर सफलता मिलही। सीएम बघेल ह बताईस कि अभी 18 बच्छर ले उपर उमर के मनखे मन म टीकाकरण बर अंत्योदय रासन कार्डधारी मन ल प्राथमिकता दे गे हे। राज्य म आगू वैक्सीन के उपलब्धता के अनुरूप 18 ले उपर उमर के सबो मनखे मन ल मुफ्त म कोविड 19 के टीका लगाए जाही।
(Chhattisgarh) सीएम बघेल ह बताईस कि राज्य म 18 बच्छर ले उपर उमर के मनखे मन के टीकाकरण बर कोरोना वैक्सीन ेक पहली खेप ह आज मंझनिया के डेढ़ लाख डोज उपलब्ध होइस हे। एला तत्काल सबो जिला बर आबंटित कर भेज दे गे हे। राज्य म राजधानी समेत दुर्ग अउ बिलासपुर जिला म ये महाअभियान सुरू हो गे हे।
No Comment! Be the first one.