रायपुर । छत्तीसगढ़ के 27 म ले 16 जिला मुख्यालय मन म संघरा जिला कार्यालय भवन मन (कम्पोजिट बिल्डिंग) के निर्माण पूरा हो गए हे। एखर तहत अभी हाले म 16 जिला मुख्यालय मन म 209 करोड़ 78 लाख रूपिया के राशि ले कम्पोजिट भवन के निर्माण पूरा करे गे हे। एखर अलावा 71 करोड़ 50 लाख रूपिया के राशि ले चार जिला मुख्यालय मन म कम्पोजिट भवन के निर्माण प्रगति म हे। लोक निर्माण मंत्री राजेश मूणत ह बताइस कि कम्पोजिट भवन के निर्माण ले कई जिला स्तरीय कार्यालय मन म एक छत के नीचे संचालन म सुविधा होवत हे अऊ मनखे मन ल एती-ओती कार्यालय के चक्कर काटना नइ परत हे। एखर से विभागीय काम-काज म अऊ गति म घलो आथे।
लोक निर्माण विभाग कोति ले अब तक पूरा करे गए 16 भवन मन म ले गरियाबंद म 23 करोड़ 33 लाख रूपिया के राशि ले कम्पोजिट भवन के निर्माण करे गे हे। अइसन हे मुंगेली म 22 करोड़ 36 लाख रूपिया, बालोद म 22 करोड़ रूपिया, बेमेतरा म 19 करोड़ 56 लाख रूपिया अऊ कोण्डागांव म 18 करोड़ 80 लाख रूपिया के लागत राशि ले कम्पोजिट भवन बनाए गे हे। बलौदाबाजार-भाटापारा म 18 करोड़ 74 लाख रूपिया, सुकमा म 17 करोड़ 4 लाख रूपिया, बिलासपुर म 15 करोड़ 70 लाख रूपिया अऊ जगदलपुर म 10 करोड़ 49 लाख रूपिया के राशि ले कम्पोजिट भवन के निर्माण करे गे हे। बीजापुर म 10 करोड़ 37 लाख रूपिया, नारायणपुर म 8 करोड़ 99 लाख रूपिया, धमतरी म 8 करोड़ 98 लाख रूपिया, कांकेर म 8 करोड़ 82 लाख रूपिया, राजनांदगांव 7 करोड़ 58 लाख रूपिया, कवर्धा म 2 करोड़ 56 लाख रूपिया अऊ कोरिया म 2 करोड़ 6 लाख रूपिया के लागत राशि ले कम्पोजिट भवन बनाए गे हे। अभी हाल म नवगठित नौ जिला मन म ले सात जिला मन गरियाबंद, मुंगेली, बालोद, बेमेतरा, कोण्डागांव, बलौदाबाजार-भाटापारा अउ सुकमा म कम्पोजिट भवन मन के निर्माण पूरा हो गे हे।
