जय जोहार…. बलौदाबाजार (balodabazar) जिला म पुलिस विभाग म बड़का फेरबदल होय हे। ए जिला के 5 इस्पेक्टर, 8 सब इंस्पेक्टर, 2 असिस्टेंट सब इंस्पेक्टर अऊ 1 प्रधान आरक्षक के तबादला कर दे गे हे। ए तबादला ल एसपी आईके एलेसेला ह करे हे।
(balodabazar) जारी तबादला आदेश म निरीक्षक विजय चौधरी ल सिटी कोतवाली बलौदाबाजार ले प्रभारी थाना भाटापारा (शहर), निरीक्षक महेश ध्रुव ल थाना भाटापारा (शहर) ले प्रभारी सिटी कोतवाली बलौदाबाजार, निरीक्षक रामअवतार ध्रुव ल रक्षित केंद्र बलौदाबाजार ले प्रभारी थाना भाटापारा (ग्रामीण), निरीक्षक आशीष सिंह राजपूत ल सिटी कोतवाली बलौदाबाजार ले प्रभारी थाना गिधौरी, निरीक्षक जितेंद्र कोसले ल थाना भटगांव ले रक्षित केंद्र बलौदाबाजार तबादला करे गे हे।
एखर आलावा उपनिरीक्षक सरजू प्रसाद धृतलहरे ल रक्षित केंद्र बलौदाबाजार (balodabazar) ले प्रभारी थाना भटगांव, उपनिरीक्षक हरीश कुमार साहू ल थाना सिमगा से प्रभारी थाना सुहेला, उपनिरीक्षक ओमप्रकाश त्रिपाठी ल थाना गिधौरी ले थाना सिमगा, उपनिरीक्षक रोशन सिंह राजपूत ल थाना सुहेला ले प्रभारी पुलिस चौकी बया, उपनिरीक्षक हितेश जंघेल ल पुलिस चौकी बया ले थाना भाटापारा (शहर), उपनिरीक्षक यशवंत सिंह ल सिटी कोतवाली बलौदाबाजार ले प्रभारी पुलिस चौकी लवन, उपनिरीक्षक पुरुषोत्तम कर ल पुलिस चौकी लवन ले सिटी कोतवाली बलौदाबाजार, उपनिरीक्षक भीम कुमार सोम ल सिटी कोतवाली बलौदाबाजार ले थाना भाटापारा (ग्रामीण) तबादला कर दे गे हे।
