Raipur: डिजिटल प्लेटफॉर्म अब करणी सेना के निशाना म, वेबसिरिज के खिलाफ करही सेना ह आंदोलन

जय जोहार…. (Raipur) छत्तीसगढ़ करणी सेना के तरफ ले फ्लेट फॉर्म्स अऊ वेब सिरिज के माध्यम ले फैलाए जावत अश्लीलता अऊ हिंदू धर्म के विरुद्ध फैलाए जावत दुष्प्रचार के विरोध म भारत माता चौक, शंकरनगर म विरोध प्रदर्शन के आयोजन करे गिस।

ए विरोध प्रदर्शन म रायपुर (Raipur) समेत आसपास के करणी सेना ह उपस्थित रिहिन। संगेसंग देशभर म होवत दुष्कर्म के घटना के विषय म घलो करणी सेना ह अपन रूख ल स्पस्ट करिन कि देश भर म कोना महिला चाहे ओ हा कोनो जाति, धर्म के हो।

ओखर विरुद्ध कोनो अपराध होवत हे, त करणी सेना दलगत, जातिगत अऊ राजनीति ले ऊपर उठ के विरोध करही। ओखर बर चाहे करणी सेना ल सड़क म कोनो सरकार के विरुद्ध लड़ाई लड़े ल पड़े।

(Raipur) ए कार्यक्रम म करणी सेना के प्रदेश संगठन महामंत्री शक्ति सिंह ठाकुर, महिला प्रदेश अध्यक्ष मेघा तिवारी, प्रदेश उपाध्यक्ष आरएस सिंह, प्रदेश संगठन मंत्री सुभाष सिंह ठाकुर, प्रदेश कार्यकारिणी सदस्य सोहन सिंह राजपूत, रायपुर जिलाध्यक्ष शंकर चंदनानी, रायपुर जिलाध्यक्ष युवा शक्ति सचिन सिंह, रायपुर जिला उपाध्यक्ष युवा शक्ति रामेश्वर सिंह, रायपुर जिला प्रचारक कमलेश अग्रवाल, जीतू जैन, पद्मा जी, अनिता लुनिया समेत बड़का संख्या म युवा करणी सैनिक उपस्थित रिहिन।