Chhattisgarh: छत्तीसगढ़ म पिछिले 24 घंटा म मिले हे 1615 नवा मामला, 16 लोगन मन के हो गे मौत

जय जोहार…. (Chhattisgarh) प्रदेश म पिछिले 24 घंटा म कोरोना के 1615 नवा मरीज के पहचान होय हे। उहचे 1440 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 16 लोगन मन के मौत हो गे हे।

बीते 24 घंटा म कोरोना (Chhattisgarh) के जेन नवा मरीज मिले हे, ओमा रायपुर ले 211, जांजगीर-चांपा ले 155, दुर्ग ले 150, बिलासपुर ले 133, रायगढ़ ले 116, कोरबा ले 106, बलौदाबाजार ले 103, बालोद ले 98, राजनांदगांव ले 90, महासमुंद ले 69, सरगुजा ले 57, धमतरी ले 41, सूरजपुर ले 36, कोरिया ले 35, बलरामपुर अऊ बेमेतरा ले 33-33, कोंडागांव ले 30 मरीज शामिल हे।

बता देन कि प्रदेश म कोरोना (Chhattisgarh) संक्रमण के मामला ह बाढ़ के 2 लाख 58 हजार 635 हो गे हे। जेमा ले 18 हजार 931 एक्टिव मामला हे। उहचे 2 लाख 36 हजार 588 लोगन मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3116 लोगन मन के मौत हो गे हे।