जय जोहार…. छत्तीसगढ़ म पिछिले 24 घंटा म कोरोना (Corona) के 1648 नवा मामला ह सामने आय हे। उहचे 1001 संक्रमित मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 21 लोगन मन के मौत हो गे हे।
बीते 24 घंटा म जेन कोरोना (Corona) के नवा मरीज मिले हे, ओमा रायपुर ले 177, रायगढ़ ले 149, दुर्ग ले 140, कोरबा ले 135, बिलासपुर ले 130, जांजगीर-चांपा अऊ राजनांदगांव ले 120-120, बलौदाबाजार ले 111, महासमुंद ले 77, बालोद ले 56, कांकेर ले 55, कोरिया अऊ धमतरी ले 53-53, गरियाबंद ले 31, सरगुजा ले 30 मरीज शामिल हे।
बता देन कि प्रदेश म कोरोना (Corona) संक्रमित मन के संख्या ह 2 लाख 40 हजार 863 हो गे हे। जेमा ले 19 हजार 749 एक्टिव मामला हे। उहचे 2 लाख 18 हजार 149 लोगन मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 2919 लोगन मन के मौत हो गे हे।
