जय जोहार…. सीएम भूपेश बघेल (CM Bhupesh Baghel) ह छत्तीसगड़ राज्य ल मुफ्त अऊ प्राथमिकता ले टीका आबंटित करने के अनुरोध प्रधानमंत्री नरेंद्र मोदी ले करे हे। सीएम बघेल ह प्रधानमंत्री मोदी ल भेजे पत्र म कहिन कि छत्तीसगढ़ ह आदिवासी बहुल्य राज्य हे। एखर सती एला प्राथमिकता ले पहिले चरण म शामिल करत हुये कोविड-19 के मुफ्त टीका उपलब्ध कराए जाए। सीएम बघेल ह प्रधानमंत्री मोदी ले छत्तीसगढ़ राज्य के प्रति अविरल सहयोग बर घलो धन्यवाद करे हे।
प्रधानमंत्री मोदी ल लिखे पत्र में सीएम भूपेश बघेल (CM Bhupesh Baghel) ह कहिन कि कोविड 19 महामारी ले देश के भीतर लोगन मन म तनाव अऊ भय के एक अभूतपूर्व स्थिति निर्मित होय हे। देश के हरेक लोगन मन के शांति अऊ ओखर अच्छा स्वास्थ्य सुनिश्चित करना हमर मन के सर्वोच्च कर्तव्य हे। केन्द्रीय स्वास्थ्य मंत्रालय ह संकेत दे हे कि निकट भविष्य म वैक्सीन उपलब्ध होय के संभावना हे, जेन मानवता बर बड़े उपलब्धि हे।
अपन पत्र म सीएम भूपेश बघेल (CM Bhupesh Baghel) ह बताईस कि छत्तीसगढ़ ह आदिवासी बाहुल्य राज्य हे, एखर सती प्राथमिकता ले पहिले चरण म ही छत्तीसगड़ ल शामिल करत हुये कोविड 10 टीकाकरण मुफ्त उपलब्ध कराए जाए। कोविड 19 टीकाकरण कार्यक्रम के क्रियान्वयन बर छत्तीसगढ़ राज्य ह पूरा तरह ले तैयार हे।
