Corona : प्रदेश म बीते 24 घंटा म होय हे 1661 नवा मरीज के पहचान, राजधानी म घलो 266 पाजिटिव
जय जोहार…. (corona) छत्तीसगढ़ म बीते 24 घंटा म कोरोना के 1661 नवा मरीज मिले हे। उहचे 1461 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 8 लोगन मन के मौत हो गे हे।
बीते 24 घंटा म कोरोना (corona) के जेन नवा मामला मिले हे, ओमा रायपुर ले 266, कोरबा ले 153, रायगढ़ ले 129, जांजगीर-चांपा ले 127, दुर्ग अऊ राजनांदगांव ले 122-122, बलौदाबाजार ले 103, बिलासपुर ले 99, महासमुंद ले 67, कोरिया ले 62, बालोद ले 56, सूरजपुर ले 51, सरगुजा ले 50, धमतरी ले 46, जशपुर ले 42, कांकेर ले 31 मरीज शामिल हे।
बता देन कि प्रदेश में कोरोना (corona) संक्रमण के मामला ह बाढ़ के 2 लाख 61 हजार 901 हो गे हे। जेमा ले 17 हजार 468 एक्टिव मामला हे। उहचे 2 लाख 41 हजार 288 मरीज मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3145 लोगन मन के मौत हो गे हे।
