Corona: प्रदेश म बीते 24 घंटा म होय हे 169 नवा मरीज के पहचान, रायपुर म घलो 48 संक्रमित

जय जोहार…. (Corona) प्रदेश म पिछिले 24 घंटा म कोरोना के 169 नवा मामला सामने आय हे। उहचे 159 मरीज मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे।

बीते 24 घंटा म (Corona) कोरोना के जेन नवा मरीज मिले हे, ओमा रायपुर ले 48, दुर्ग ले 41, सरगुजा ले 12, बिलासपुर ले 11, रायगढ़ अऊ राजनांदगांव ले 9-9, महासमुंद ले 5, धमतरी अऊ कोरबा ले 4-4, बेमेतरा, कोरिया अऊ बस्तर ले 3-3, कबीरधाम, गरियाबंद अऊ कांकेर ले 2-2 मरीज सामिल हे।

बता देन कि प्रदेश म कोरोना (Corona) संक्रमण के मामला ह 3 लाख 09 हजार 059 हो गे हे। जेमा ले 3258 एक्टिव मामला हे। उहचे 3 लाख 02 हजार 069 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 3772 संक्रमित मन के मौत हो गे हे।