Corona: प्रदेश म बीते 24 घंटा म होय हे 1700 नवा मरीज के पहचान, राजधानी म घलो 102 पाजिटिव

जय जोहार…. प्रदेश म पिछिले 24 घंटा म कोरोना (corona) के 1700 नवा मरीज के पहचान होय हे। उहचे 1564 लोगन मन ल बने होय के बाद अस्पताल ले डिस्चार्ज कर दे गे हे हे। जबकि इलाज के दौरान 11 लोगन मन के मौत हो गे हे।

बीते 24 घंटा म जेन कोरोना (corona) के नवा मरीज मिले हे, ओमा जांजगीर-चांपा ले 218, रायगढ़ ले 190, राजनांदगांव ले 109, रायपुर ले 102, बालोद ले 101, दुर्ग ले 72, बेमेतरा ले 38, कबीरधाम ले 67, धमतरी ले 47, बलौदाबाजार ले 65, महासमुंद ले 38, गरियाबंद ले 33, बिलासपुर ले 63, कोरबा ले 62, मुंगेली ले 36 नवा मरीज शामिल हे।

बता देन कि प्रदेश म कोरोना (corona) संक्रमित मन के संख्या ह बाढ़ के 1 लाख 90 हजार 513 पहुंच गे हे। जेमा ले 21914 एक्टिव मामला हे। उहचे 1 लाख 66 हजार 391 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 2208 लोगन मन के मौत हो चुके हे।