बहुजन समाज पार्टी के प्रदेस अध्यक्ष के छुट्‌टी….  हेमंत पोयाम ल मिलिस कमान

रायपुर। छत्तीसगढ़ विधासभा चुनाव मन म मिले करारी हार  के बाद बहुजन समाज पार्टी के प्रदेस अध्यक्ष ओम प्रकाश बाचपेयी ल पद ले हटा देय गिस।

ओखर जगह हेमंत पोयाम ल नवां प्रदेस अध्यक्ष नियुक्त करे गेहे। पोयाम के संगे संग विधायक केशव चंद्रा ल प्रदेस उपाध्यक्ष अउ दाऊराम रत्नाकर ल प्रदेस प्रभारी बनाय गेहे। एखर संग विधायक इंदु बंजारे ल प्रदेस कार्यकारिनी म सामिल करे गिस। ए सबो आदेस बीएसपी सुप्रीमो मायावती ह जारी करिन।

बता दन के छत्तीसगढ़ विधानसभा म बीएसपी ल कारारी हार के सामना करे बर  पड़िस हे। अजीत जोगी के पार्टी जनता कांग्रेस छत्तीसगढ़ (जे) ले गठबंधन के बाद घलो बीएसपी महज दो सीट जीते म कामयाब रहिन,  जब के पार्टी ह प्रदेस के 35 सीट म चुनाव लड़े हे।