Corona: प्रदेश म पिछिले 24 घंटा म सामने आय हे 1734 नवा मामला, राजधानी म घलो 161 पाजिटिव

जय जोहार…. छत्तीसगढ़ म पिछिले 24 घंटा म कोरोना (corona) के 1734 नवा मामला दर्ज करे गे हे। उहचे 1259 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि ए दौरान 11 लोगन मन के मौत हो गे हे।

गुरुवार के जेन कोरोना (corona) के नवा मरीज मिले हे, ओमा जांजगीर-चांपा ले 237, रायगढ़ ले 178, रायपुर ले 161, दुर्ग ले 160, बालोद ले 132, कोरबा ले 114, बिलासपुर ले 74, राजनांदगांव ले 70, महासमुंद ले 67, बेमेतरा ले 52, कबीरधाम ले 46, धमतरी ले 27, बलौदाबाजार ले 37, गरियाबंद ले 32 मरीज शामिल हे।
बता देन कि प्रदेश म कोरोना (c0rona) संक्रमित मन के संख्या ह 1 लाख 96 हजार 233 पहुंच गे हे। जेमा ले 23 हजार 113 एक्टिव मामला हे। उहचे 1 लाख 70 हजार 760 लोगन मन ह कोरोना ले जंग जीत के अपन घर लहटु चुके हे। ए वायरस ले प्रदेश म अब तक 2360 लोगन मन के मौत हो गे हे।