नवां सरकार ह वो गलती झन करय.. नइ त उंखर हालत हमर ले जादा खराब हो ही… ननकीराम कंवर

कहिन के, दिल्ली ले थोपे जाथे पदाधिकारी …रमन सरकार के कुछ गलती के वजह ले  विपक्ष म बइठे हन

रायपुर । छत्तीसगढ़ के पूर्व गृह मंत्री अउ भाजपा के वरिष्ठ नेता ननकीराम कंवर ल नेता प्रतिपक्ष न बनाए जाए ले नाराज  हवय।  हमर ले खास बातचीत म उमन ए बात के दावा करिन के  उंखर जइसे काम कोनो पार्टी के सरकार ह नइ करे हे।

वरिष्ठ होए के बावजूद उमन ल नेता प्रतिपक्ष नइ बनाय गिस, जेमा  कंवर ह बेबाकी ले बयान देय।  उमन कहिन के ए केंद्रीय नेतृत्व तय करथे के काला कउन से पद देय जाए। कंवर ह कहिन के मै जतना विभाग संभाले हव, जतना कंट्रोल रखे रहेव, उतना कोनो घो नइ रख सकत हे।

ननकीराम कंवर ह कहिन के मोर काम के रिकॉर्ड कोनो आज तक नइ तोड़ पाइस।  रैंगिंग मोर समय म रुकीस, परीक्षा टाइम ले होत रहिस हे।  आज अइसे  स्थिति हे,  रैगिंग,  जेला केंद्र ले लेके राज्य सरकार तक परेसान हे।

आरोपी अफसर मन ल पहिली जेल म डालना चाही

अफसरशाही ले लेके ननकी राम ह कहिन के, मोर विभाग म अफसर मन के मनमानी नइ चलत रहिस हे, एखर सेती जनता बर  मै हमेसा काम करेव। आरोपी अफसर मन ल पहिली  जेल म डालना चाही, फेर कार्रवाई होना चाही।

 काम जादा होइस हे , लेकिन कुछु गलती बनिस हार के वजह

विधानसभा चुनाव म भारतीय जनता पार्टी के बुरी तरह ले होय हार म उमन बेबाकी ले अपन राय रखीन। कंवर ह कहिन के भाजपा के सरकार ह प्रदेस म  काफी काम करे हे।  लेकिन कुछु गलती करिस हे।  नवां सरकार वो गलती झन करय नइ त उंखर हालत हमर ले जादा खराब होही।