Corona: देश म पिछले 24 घंटा म बाढ़ गे कोरोना के 18522 नवा केस, 13 हजार ले जियादा लोगन मन ह दिस कोरोना ल मात

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश म अब तक कुल कोरोना संक्रमित मरीज मन के संख्या ह पांच लाख 66 हजार ले जियादा हो गे हे।

पिछले 24 घंटा म कोरोना (corona) के 18522 नवा मामले ह सामने आय हे। जबकि 13099 लोगन मन ह कोरोना ले जंग जीत गे हे। ऊहचे 418 लोगन मन के मौत हो गे हे।
केंद्रीय स्वास्थ्य मंत्रालय के आंकड़ा के मुताबिक देश म अब कोरोना (corona) मरीज मन के कुल संख्या ह पांच लाख 66 हजार 840 हो गे हे। जबकि सक्रिय मरीज म के संख्या ह दू लाख 15 हजार 125 पहुंच गे हे।

उहचे तीन लाख 34 हजार 822 लोगन मन ह स्वस्थ हो के अपन घर लहुट चुके हे। ए वायरस ले देश म अब तक 16893 लोगन मन के जान चले गे हे।