अवइया दू दिन भारी बारिश होय के संभावना, मौसम विभाग ह जारी करिन यलो अलर्ट

जय जोहार…. छत्तीसगढ़ के कई स्थान म मंगलवार बिहनिया ले तेज बारिश होवत हे। राजधानी रायपुर, दुर्ग, बस्तर अउ सरगुजा समेत कई जिला म बारिश होवत हे। ऊहचे आसमान म घलो काले बादल छाय हुये हे। मौसम विभाग ह अवइया दू दिन भारी बारिश बर यलो अलर्ट जारी करे हे।
मौसम वैज्ञानिक के अनुसार पूर्वी उत्तरप्रदेश के उपर चक्रीय चक्रवाती घेरा ह 0.9 किमी उंचाई म स्थित हे। एक द्राणिका ह बिहार ले तटीय ओड़िसा तक 2.1 किमी ले 3.1 किमी उंचई म स्थित हे। एखर प्रभाव ले छत्तीसगढ़ म कई जगह म मध्यम बारिश होय के संभावना हे।
राज्य के एक-दू स्थान म गरज अऊ चमक के संग भारी बारिश अउ बिजली गिरे के घलो संभावना जताय गे हे। बस्तर अउ सरगुजा संभाग समेत एखर ले लगे जिला म बारिश के प्रबल संभावना जताय गे हे।