Corona: छत्तीसगढ़ म बीते 24 घंटा म सामने आय हे 1893 नवा मामला, राजधानी म घलो 245 पाजिटिव
जय जोहार…. प्रदेश म बीते 24 घंटा म कोरोना (Corona) के 1893 नवा मरीज के पहचान होय हे। उहचे 1976 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 28 लोगन मन के मौत हो गे हे।
बीते 24 घंटा म जेन कोरोना (Corona) के नवा मरीज मिले हे, ओमा रायपुर ले 245, कोरबा ले 239, बालोद ले 144, राजनांदगांव अऊ जांजगीर-चांपा ले 124-124, बलौदाबाजार ले 122, महासमुंद ले 111, दुर्ग ले 102, रायगढ़ ले 93, बिलासपुर ले 90, धमतरी ले 59, कोंडागांव ले 55, बलरामपुर ले 41, जशपुर ले 40 मरीज शामिल हे।
(Corona) बता देन कि प्रदेश म कोरोना संक्रमित मन के संख्या ह 2 लाख 39 हजार 215 हो गे हे। जेमा ले 19 हजार 333 एक्टिव मामला हे। उहचे 2 लाख 16 हजार 990 लोगन मन ल स्वस्थ होय के बाद अस्पताल ले छुट्टी दे दे गे हे। ए वायरस ले प्रदेश म अब तक 2892 लोगन मन के मौत हो गे हे।
