Train: राजेन्द्रनगर-दुर्ग-राजेन्द्रनगर पूजा स्पेशल ट्रेन के 2 जनवरी तक होही परिचालन, पढो पूरा खबर

जय जोहार…. (Train) रेल यात्री मन के मांग ल धियान म रखत हुये दक्षिण पूर्व मध्य रेलवे ले चलइया राजेन्द्रनगर-दुर्ग-राजेन्द्रनगर पूजा स्पेशल ट्रेन के परिचालन अब राजेन्द्रनगर ले 31 दिसंबर अऊ दुर्ग ले 2 जनवरी तक करे जाही।

ट्रेन संख्या 03288 राजेन्द्रनगर-दुर्ग पूजा स्पेशल ट्रेन ह राजेंद्र नगर ले 1 दिसंबर ले 31 दिसंबर तक चलही। (Train) अइसने विपरीत दिशा ले घलो ये ट्रेन संख्या 03287 दुर्ग-राजेन्द्रनगर पूजा स्पेशल ट्रेन ह दुर्ग ले 3 दिसंबर ले 2 जनवरी तक चलही।

ये ट्रेन के समय सारिणी म घलो आंशिक बदलाव करे गे हे। (Train) नवा समय सारिणी के मुताबिक ट्रेन संख्या 03287 दुर्ग-राजेन्द्रनगर पूजा स्पेशल ट्रेन ह दुर्ग ले 7.25 के स्थान म 7 बजे रवाना होके दूसर दिन 7.35 बजे राजेन्द्रनगर पहुंचही। अइसने ट्रेन संख्या 03288 राजेन्द्रनगर-दुर्ग पूजा स्पेशल ट्रेन ह राजेन्द्र नगर ले 19.45 बजे के स्थान म 20.05 बजे रवाना होही।