Corona: देश म पिछिले 24 घंटा म होय हे 19 हजार ले जादा नवा मरीज के पहचान, पढो पूरा खबर

जय जोहार…. देश म पिछिले 24 घंटा म कोरोना (corona) के 19 हजार ले जादा नवा मामला सामने आय हे। उहचे इलाज के दौरान 224 मरीज मन के जान चले गे हे।

केंद्रीय स्वास्थ्य मंत्रालय ले जारी आंकड़ा के अनुसार देश म बीते 24 घंटा म कोरोना (corona) के 19079 नवा मरीज मिले हे। एला मिला के कोरोना संक्रमित मन के संख्या ह 1 करोड़ 3 लाख 5 हजार 788 हो गे हे। जेमा ले 2 लाख 50 हजार 183 एक्टिव मामला हे।

उहचे 99 लाख 06 हजार 387 लोगन मन ह कोरोना (corona) ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 49 हजार 218 संक्रमित मन के मौत हो गे हे।