Corona: प्रदेश म बीते 24 घंटा म मिले हे कोरोना के 1924 नवा मरीज, पढो पूरा खबर

जय जोहार…. प्रदेश म पिछिले 24 घंटा म कोरोना (corona) के 1924 नवा मामला ह सामने आय हे। उहचे 496 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 9 लोगन मन के मौत हो गे हे।

रविवार के जेन कोरोना (Corona) के नवा मरीज मिले हे, ओमा रायपुर ले 307, रायगढ़ ले 184, कोरबा अऊ जांजगीर चांपा ले 139-139, राजनांदगांव ले 128, बिलासपुर ले 126, दुर्ग ले 119, सरगुजा ले 83, सूरजपुर ले 71, बलौदाबाजार ले 63, महासमुंद ले 47, बालोद ले 40, कबीरधाम ले 36, बेमेतरा ले 20, गरियाबंद ले 19, धमतरी ले 17 मरीज शामिल हे।

बता देन कि प्रदेश म कोरोना (Corona) संक्रमित मन के संख्या ह बाढ़ के 123324 पहुंच गे हे। जेमा ले 28548 एक्टिव मामला हे।
उहचे 93731 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 1045 लोगन मन के मौत हो गे हे।