Corona: देश म पिछिले 24 घंटा म सामने आय हे 74442 नवा मामला, पढो पूरा खबर

जय जोहार…. देश म पिछिले 24 घंटा म कोरोना (Corona) के 74 हजार ले जादा नवा मामला के पहचान होय हे। उहचे 76713 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 903 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म 74442 नवा मामला मिले हे। एला मिला के कोरोना (Corona) संक्रमित मन के संख्या ह बाढ़ के 66 लाख 22 हजार 180 पहुंच गे हे।

उहचे 55 लाख 83 हजार 453 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 102714 लोगन मन के मौत हो गे हे।