Corona: सरलघा बाढ़त हे कोरोना संक्रमण, प्रदेश म पिछिले 24 घंटा म सामने आय हे 1949 नवा मरीज, राजधानी म घलो 812 पाजिटिव
जय जोहार…. छ्त्तीसगढ़ म कोरोना (Corona) संक्रमण के मामला ह सरलघा बाढ़त जावत हे। प्रदेश म बीते 24 घंटा म कोरोना के 1949 नवा मामला के पहचान होय हे। उहचे 921 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 13 लोगन मन के मौत हो गे हे।
रविवार के जेन कोरोना (Corona) के नवा मरीज मिले हे, ओमा रायपुर ले 812, दुर्ग ले 257, बालोद अऊ कांकेर ले 107-107, बिलासपुर ले 89, दंतेवाड़ा ले 74, महासमुंद ले 59, सरगुजा ले 57, राजनांदगांव ले 53, जांजगीर-चांपा ले 52, रायगढ़ ले 49, बेमेतरा ले 40, धमतरी ले 38, सूरजपुर ले 34, बलरामपुर ले 30, कोरबा ले 26, बस्तर ले 25, कबीरधाम ले 15, गरियाबंद ले 12, नारायणपुर ले 07, कोरिया ले 3, बलौदाबाजार ले 2 अऊ मुंगेली ले 1 शामिल हे।
बता दन कि प्रदेश म कोरोना (Corona) संक्रमित मन के संख्या ह बाढ़ के 86183 पहुंच गे हे। जेमा ले 37853 एक्टिव मामला हे। उहचे 47653 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छु्ट्टी दे दे गे हे। ए वायरस ले प्रदेश म अब तक 677 लोगन मन के मौत हो गे हे।
