जय जोहार…. (Raipur) आम आदमी पार्टी के आक्सिमित्र मन ह गांव-गांव म पहुंच के आक्सीमीटर ले लोगन मन के आक्सीजन लेवल ल चेक करत हे। ए कड़ी म आम आदमी पार्टी धरसींवा विधानसभा टीम के तरफ ले सारागांव के बस स्टैंड म स्थानीय दुकानदार अऊ लोगन मन के आक्सीजन लेवल ल जांच करे गे हे।
(Raipur) आम आदमी पार्टी धरसींवा के पूर्व सचिव हुलास साहू ह कहिन कि ए कोरोना महामारी म भूपेश सरकार के 13 कोरोना प्लेयर अऊ कोरोना योद्धा जादा कुछु नई कर पावत हे। छत्तीसगढ़ के लोगन मन ल अपन हाल म मरे बर छोड़ दे हे अऊ छत्तीसगढ़ के जिला म जिला कलेक्टर के माध्यम ले बार-बार लाकडाउन ल लगावत हे, जेन उचित नई हे।
वो हा कहिन कि छत्तीसगढ़ म 15 साल ले भाजपा के सरकार रिहिन, लेकिन ए 15 साल के भाजपा के रमन सरकार ह मेकाहारा जईसे एक घलो अस्पताल घलो नई बना पाईस, जेन आज कोरोना महामारी म छत्तीसगढ़ के लोगन मन के इलाज बर वरदान साबित हो सके।
(Raipur) आप नेता आक्सिमित्र धर्मेंद्र बैरागी ह कहिन कि आगू घलो बड़े लेवल म अइसनहे कार्यक्रम करे जाही। धरसींवा विधानस के गांव-गांव में पहुंच के बड़े संख्या म लोगन मन के आक्सीजन लेवल ल जांच करे जाही। वो हा बताइस कि ग्राम सारागांव, निलजा, पथरी, तरेसर, खुड़मुड़ी, लालपुर, नेउरडीह, छपोरा, माठ, बंगोली समेत आन गांव म लोगन मन के आक्सीजन लेवल जांच कर चुके हे।
ए अभियान म हुलास साहू, धर्मेन्द्र बैरागी, गोवर्धन पाल, शिशुपाल निषाद, टेकराम वर्मा, परमानंद पटेल समेत आन संगवारी ह कार्यक्रम शामिल होईस। संगेसंग युवा मन ल रोजगार बर युवा रोजगार हस्ताक्षर अभियान चलाय गिस।
Other Articles
No Comment! Be the first one.