corona: नई थमत हे कोरोना मामला, प्रदेश म बीते 24 घंटा म मिले हे 1998 नवा मरीज, राजधानी म घलो 479 पाजिटिव

जय जोहार…. छत्तीसगढ़ म कोरोना (corona) संक्रमण के मामला ह कम होय के नाम नई लेवत हे। प्रदेश म बीते 24 घंटा म कोरोना के 1998 नवा मरीज के पहचान होय हे। उहचे 1239 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 13 लोगन मन के मौत हो गे हे।

सोमवार के जेन कोरोना (corona) के नवा मरीज मिले हे, ओमा रायपुर जिला ले 479, दुर्ग ले 247, बलौदाबाजार ले 157, बस्तर ले 109, राजनांदगांव ले 104, जांजगीर-चांपा ले 92, बिलासपुर ले 84, धमतरी अऊ रायगढ़ ले 78-78, बालोद ले 72, सूरजपुर ले 65, कांकेर ले 57, नारायणपुर ले 55, सरगुजा ले 48, महासमुंद अऊ बीजापुर ले 46-46, कबीरधाम ले 44, कोण्डागांव ले 32, बेमेतरा ले 17, जशपुर ले 16, कोरबा अऊ बलरामपुर ले 15-15, कोरिया ले 14, गरियाबंद ले 13, दंतेवाड़ा ले 12, मुंगेली ले 1 आन राज्य ले 2 शामिल हे।

बता दन कि प्रदेश म कोरोना (corona) संक्रमण के मामला ह बाढ़ के 88181 पहुंच गे हे। जेमा ले 37927 एक्टिव मामला हे। उहचे 49564 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले राज्य म अब तक 690 लोगन मन के मौत हो गे हे।