Chhattisgarh: म्युनिसिपल परफार्मेंस इंडेक्स के परिणाम हो गे घोसित, रायपुर अउ बिलासपुर शहर ल मिले हे अलग-अलग श्रेणी म देश म सातवां स्थान, पढ़व

जय जोहार…. (Chhattisgarh) म्युनिसिपल परफार्मेंस इंडेक्स म छत्तीसगढ़ के 2 शहर ह देश के टॉप टेन शहर म जगह बनाय हे। रायपुर शहर ल 10 लाख ले जादा जनसंख्या वाले शहर के श्रेणी म सातवां अऊ बिलासपुर शहर ल 10 लाख ले कम जनसंख्या वाले शहर के श्रेणी म 7वां रैंक प्राप्त होय हे।

(Chhattisgarh) दुनो शहर ल शहरी निकाय के तरफ ले नागरिक मन ल मूलभूत नागरिक सुविधा ल उपलब्ध कराय म उत्कृष्ट प्रदर्शन करे के सती देश म सातवा रैंक प्राप्त होय हे। शहरी कार्य मंत्रालय के तरफ ले आज वीडियो कांफ्रेंसिंग ले देश के शहर के मध्य म्युनिसिपल परफार्मेंस इंडेक्स प्रतियोगिता के परिणाम घोसित करे गे हे। एखर घोसना ल केंद्रीय शहर कार्य मंत्री हरदीप सिंह पुरी ह नईदिल्ली म करिन।

सीएम भूपेश बघेल ह रायपुर अऊ बिलासपुर के नागरिक, जनप्रतिनिधि अऊ नगरीय प्रशासन विभाग ल बधाई दे हे। (Chhattisgarh) सीएम बघेल ह कहिन कि ये हमर मन बर गौरव के विषय हे कि छत्तीसगढ़ ल सरलघा शहरी क्षेत्र म करे गे उत्कृष्ट कार्य बर पुरस्कृत करे जावत हे।