जय जोहार…. (Corona) प्रदेश म पिछिले 24 घंटा म कोरोना के 235 नवा मामला दर्ज करे गे हे। उहचे 185 मरीज मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दौरान 3 संक्रमित के मौत हो गे हे।
बीते 24 घंटा म जेन कोरोना (Corona) के नवा मरीज मिले हे, ओमा रायपुर ले 67, बिलासपुर ले 37, दुर्ग ले 30, राजनांदगांव ले 16, जशपुर ले 13, रायगढ़ ले 11, बलौदाबाजार ले 10, सरगुजा ले 8, जांजगीर-चांपा अऊ धमतरी ले 7-7, कोरिया अऊ बस्तर ले 4-4, बेमेतरा, गरियाबंद, कोरबा अऊ मुंगेली ले 3-3, महासमुंद, कबीरधाम अऊ दंतेवाड़ा ले 2-2, सूरजपुर, बलरामपुर, गौरेला-पेंड्रा-मरवाही, कांकेर अऊ बीजापुर ले 1-1 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 3 लाख 13 हजार 534 हो गे हे। जेमा ले 2990 एक्टिव मामला है। उहचे 3 लाख 06 हजार 693 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश में अब तक 3851 संक्रमित मन के मौत हो गे हे।
No Comment! Be the first one.