देस म पिछले 24 घंटा म बाढ़गे कोरोना के 2 लाख 45 हजार ले जादा नवा मरीज, पढ़व

जय जोहार…. देस म कोरोना के नवा मामला सरलग बाढ़त जात है। देस म पिछले 24 घंटा म कोरोना (corona ) के 2 लाख 45 हजार नवा मरीज सामने आय हे। उहें 84479 मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 379 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 2 लाख 45 हजार 525 केस मिले हे। एला मिलाके देस म कोरोना मरीज मन के संख्या ह 3 करोड़ 63 लाख ले जादा हो गेहे। जेमा ले 11 लाख 10 हजार एक्टिव मामला हे।

उहें 3 करोड़ 47 लाख ले जादा मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 4 लाख 85 हजार 036 मरीज के मउत हो गेहे।