सर्चिंग के दउरान बड़गांव पुलिस ह पकड़िस दू लाख के ईनामी नक्सली ल

पखांजूर. बड़गांव पुलिस अउ 175 वीं बीएसएफ बटालियन ल बड़ी कामयाबी मिले हे। पुलिस अउ बटालियन के संयुक्त बल ह सर्चिंग के दउरान 2 लाख के ईनामी नक्सली ल गिरफ्तार करे हे।

15 साल ले नक्सली दल म सक्रिय माओवादी संगठन के मिलिट्री कंपनी के सदस्य सदाराम नेताम उर्फ सूरज ल बड़गांव थाना इलाका के पिपली गांव ले गिरफ्तार करे गिस। गिरफ्तार नक्सली के ख़िलाफ़ हत्या, लूटपाट, आगज़नी अउ बलवा के कई ठन मामला दर्ज हे।