चिंतागुफा थाना इलाका म मिलिस 20 किलो के आईईडी, बम निरोधक दस्ता ह करिन निष्क्रिय

जगदलपुर। गस्त म निकले जवान मन के मुस्तैदी ले एक बड़े दुर्घटना होय ल टल गे। सर्चिंग गस्त के दउरान चिंतागुफा थाना इलाका के तेमेलवाड़ा अउ पुसवाड़ा इलाका के बीच जवान मन ल रस्ता म कुछ संदिग्ध सा दिखीस। जवान मन  जब एखर बारिकी ल जांच करिन त उंहा 20 किलो के आईईडी बम बरामद करे गिन। नक्सली मन सुरक्षा बल ल नुकसान पहुंचाए बर टिफिन बम के रूप म रस्ता के बीचो-बीच गड़िया के रखे रहीस।  सीआरपीएफ 150 अउ 74वीं वाहिनी के बम निरोधक दस्ता ह बम ल  निष्क्रिय करिस हे। सुकमा एसपी एसके सिन्हा ह घटना के पुष्टि करिन हे।