Corona: प्रदेश म पिछिले 24 घंटा म मिले हे कोरोना के 206 नवा मामला, रायपुर म घलो 59 पाजिटिव

जय जोहार…. (Corona) प्रदेश म बीते 24 घंटा म कोरोना के 206 नवा मरीज के पहचान होय हे। उहचे 222 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 1 संक्रमित के मौत हो गे हे।

पिछिले 24 घंटा म कोरोना (Corona) के जन नवा मरीज मिले हे, ओमा रायपुर ले 59, दुर्ग ले 29, रायगढ़ ले 25, बलौदाबाजार ले 23, महासमुंद ले 12, बिलासपुर ले 10, धमतरी ले 8, सरगुजा ले 7, राजनांदगांव अऊ सूरजपुर ले 5-5 मरीज सामिल हे।

बता देन कि प्रदेश म कोरोना (Corona) संक्रमण के मामला ह 3 लाख 07 हजार 996 हो गे हे। जेमा ले 4172 एक्टिव मामला हे। उहचे 3 लाख 078 लोगन मन ल बने होय के बाद अस्पताल ले छुट्‌टी दे दे गे हे। ए वायरस ले प्रदेश म अब तक 3746 संक्रमित मन के मौत हो गे हे।