Corona: प्रदेश म बीते 24 घंटा म होय हे कोरोना के 216 नवा मामला के पहचान, रायपुर म घलो 68 पाजिटिव
जय जोहार…. छत्तीसगढ़ म बीते 24 घंटा म कोरोना (Corona) के 216 नवा मरीज के पहचान होय हे। उहचे 192 मरीज ल बने होय के बाद अस्पताल से डिस्चार्ज कर दे गे हे। जबकि इलाज के दौरान 2 संक्रमित के मौत हो गे हे।
पिछिले 24 घंटा म जेन कोरोना (Corona) के नवा मरीज मिले हे, ओमा रायपुर ले 68, दुर्ग ले 23, धमतरी ले 19, राजनांदगांव, बिलासपुर अऊ कोरबा ले 14-14, बलौदाबाजार, सूरजपुर अऊ जशपुर ले 8-8, दंतेवाड़ा ले 6, बेमेतरा, कबीरधाम अऊ सरगुजा ले 5-5, जांजगीर-चांपा ले 4, मुंगेली ले 3, महासमुंद, रायगढ़, कोरिया अऊ कांकेर ले 2-2 मरीज सामिल है।
बता देन कि प्रदेश म कोरोना (Corona) संक्रमण के मामला ह 3 लाख 13 हजार 032 हो गे हे। जेमा ले 2836 एक्टिव मामला हे। उहचे 3 लाख 06 हजार 352 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3844 संक्रमित के जान चले गे हे।
