corona: देश म बीते 24 घंटा म होय हे 22 हजार ले जादा नवा मरीज के पहचान, पढ़ो पूरा खबर

जय जोहार…. (corona) देश म बीते 24 घंटा म कोरोना के 22 हजार ले जादा नवा मामला ह सामने आय हे। उहचे इलाज के दौरान 354 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 22065 नवा मरीज मिले हे। एला मिला के कोरोना संक्रमण के मामला ह बाढ़ के 99 लाख 06 हजार 165 हो गे हे। जेमा ले 3 लाख 39 हजार 820 एक्टिव मामला हे।

उहचे 94 लाख 22 हजार 636 लोगन मन ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 43 हजार 709 लोगन मन के मौत हो गे हे।