Corona: प्रदेश म बीते 24 घंटा म होय हे 240 नवा मामला के पहचान, रायपुर म घलो 68 पाजिटिव

जय जोहार…. (Corona) प्रदेश म बीते 24 घंटा म कोरोना के 240 नवा मामला के पहचान होय हे। उहचे 174 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 5 संक्रमित के मौत हो गे हे।

पिछले 24 घंटा म कोरोना (Corona) के जेन नवा मरीज मिले हे, ओमा रायपुर ले 68, दुर्ग ले 52, बिलासपुर ले 34, रायगढ़ ले 18, बलौदाबाजार ले 16, सरगुजा ले 7, सूरजपुर ले 6, जांजगीर-चांपा, कोरिया, जशपुर अऊ दंतेवाड़ा ले 5-5, राजनांदगांव, गरियाबंद, कोरबा, बस्तर अऊ कांकेर ले 4-4, महासमुंद ले 3, कोंडागांव ले 2, बेमेतरा अऊ धमतरी ले 1-1 मरीज सामिल हे।

बता देन कि प्रदेश म कोरोना (Corona) संक्रमण के मामला हे 3 लाख 12 हजार 419 हो गे हे। जेमा ले 2767 एक्टिव मामला हे। उहचे 3 लाख 05 हजार 819 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3833 मरीज मन के मौत हो गे हे।