Corona: देश म पिछिले 24 घंटा म सामने आय हे 16 हजार ले जादा नवा मरीज, पढ़व

जय जोहार…. (Corona) देश म बीते 24 घंटा म कोरोना के 16 हजार ले जादा नवा मामला दर्ज करे गे हे। उहचे 11718 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 113 संक्रमित के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 16752 नवा मरीज मिले हे। एला मिला के कोरोना संक्रमण के मामला हे 1 करोड़ 10 लाख 96 हजार 731 हो गे हे। जेमा ले 1 लाख 64 हजार 511 एक्टिव मामला हे।

उहचे 1 करोड़ 07 लाख 75 हजार 169 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 57 हजार 051 मरीज मन के मौत हो गे हे।