जय जोहार…. (corona) छत्तीसगढ़ म आज कोरोना के 244 नवा मरीज सामने आय हे। उहें 364 मरीज ह कोरोना न मात दे दे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दउरान 4 मरीज के जान चले गे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 7, राजनांदगांव ले 2, बालोद ले 7, रईपुर ले 13, धमतरी ले 6, बलौदाबाजार ले 17, महासमुंद ले 4, गरियाबंद ले 5, बिलासपुर ले 6, रायगढ़ ले 11, कोरबा ले 4, जांजगीर-चांपा ले 13, मुंगेली ले 3, गौरेला-पेंड्रा-मरवाही ले 2, सरगुजा ले 8, कोरिया ले 8, सूरजपुर ले 3, बलरामपुर ले 13, जशपुर ले 13, बस्तर ले 27, कोंडागांव ले 4, दंतेवाड़ा ले 15, सुकमा ले 11, कांकेर ले 13, नारायणपुर ले 5, बीजापुर ले 24 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 9 लाख 93 हजार 289 हो गे हे, जेमा ले 6 हजार 596 एक्टिव मामला हे। उहें 9 लाख 73 हजार 262 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13431 मरीज के मौत हो गे हे।
