Corona : प्रदेश म बीते 24 घंटा म सामने आय हे 250 नवा मामला, रायपुर म घलो 59 पाजिटिव
जय जोहार…. प्रदेश म बीते 24 घंटा म कोरोना (Corona) के 250 नवा मरीज के पहचान होय हे। उहचे 261 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 5 संक्रमित के मौत हो गे हे।
पिछले 24 घंटा म कोरोना (Corona) के जेन नवा मामला मिले हे, ओमा दुर्ग ले 63, रायपुर ले 59, राजनांदगांव ले 20, रायगढ़ ले 14, सरगुजा ले 13, सूरजपुर, धमतरी अऊ बिलासपुर ले 9-9, महासमुंद ले 8, कोरबा ले 7, कांकेर, बस्तर, बलरामपुर अऊ बेमेतरा ले 4-4, गरियाबंद ले 3, बालोद, मुंगेली अऊ कोरिया ले 2-2 मरीज सामिल हे।
बता देन कि प्रदेश म कोरोना (Corona) संक्रमण के मामला हे बाढ़ के 3 लाख 09 हजार 623 हो गे हे। जेमा ले 2505 एक्टिव मामला हे। उहचे 3 लाख 02 हजार 935 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3783 मरीज के मौत हो गे हे।
