Corona: प्रदेश म सरलघा बाढ़त हे कोरोना संक्रमण, पिछिले 24 घंटा म मिले हे 2529 नवा मरीज, 19 लोगन मन के हो गे मौत

जय जोहार….छत्तीसगढ़ म देर रात कोरोना (Corona) के 1357 नवा मरीज के पुष्टि होय हे। एखर पहिले देर शाम कोरोना के 1172 नवा मरीज मिले हे। प्रदेश म पिछिले 24 घंटा म कोरोना के 2529 नवा मामला दर्ज करे गे हे।

उहचे 879 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 19 लोगन मन के मौत हो गे हे।

प्रदेश म जेन शनिवार के कोरोना (Corona) के नवा मरीज मिले हे, ओमा रायपुर ले 878, दुर्ग ले 333, रायगढ़ ले 223, बिलासपुर ले 195, राजनांदगांव ले 154, बलौदाबाजार ले 90, सूरजपुर ले 84, जांजगीर चांपा ले 80, बलरामपुर ले 40, धमतरी ले 39, कोरबा ले 33, कबीरधाम ले 27, महासमुंद अऊ कोंडागांव ले 25-25, जशपुर, बस्तर अऊ सरगुजा ले 21-21, गरियाबंद ले 18, दंतेवाड़ा अऊ बेमेतरा ले 15-15, कोरिया ले 14, कांकेर ले 12, मुंगेली ले 11, नारायणपुर ले 10, गौरेला-पेंड्रा-मरवाही ले 5 अऊ आन राज्य ले 3 मरीज शामिल हे।

बता दन कि प्रदेश म कोरोना (Corona) संक्रमित मन के संख्या ह बाढ़ के 43163 पहुंच गे हे। जेमा ले 22320 एक्टिव मामला हे। उहचे 20483 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले प्रदेश म अब तक 356 लोगन मन के जान चले गे हे।