जय जोहार…. राज्य म कोरोना (Corona) संक्रमित मन के संख्या ह सरलघा बाढ़त हे। रोजाना राज्य के अलग-अलग जिला ले नवा संक्रमित मन ह मिलत हे। रायगढ़ के पुलिस अधीक्षक संतोष सिंह ह कोरोना के चपेट म आ गे हे। ओ हा कोरोना टेस्ट करवाय रहिस, जेखर रिपोर्ट ह पाजिटिव आय हे। ए जानकारी ल एसपी सिंह ह खुद ट्वीट कर दे हे।
अपन ट्वीट म एसपी सिंह ह लिखे हे कि आज मोर (Corona) कोविड जांच रिपोर्ट ह पाजिटिव आय हे, मे हा ठीक हावव अऊ कोनो लक्षण नई हे। पिछिले दिनों मोर संपर्क म आय लोगन मन ले अनुरोध हे कि आवश्यकता के अनुसार कोरोना टेस्ट करवा ले।
बता दन कि प्रदेश म कोरोना (Corona) संक्रमित मन के संख्या ह बाढ़ के 43163 पहुंच गे हे। जेमा ले 22320 एक्टिव मामला हे। उहचे 20483 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 356 लोगन मन के जान चले गे हे।
No Comment! Be the first one.