corona : देस म 24 घंटा म होय हे कोरोना के 25 हजार ले जादा नवा मामला के पहिचान, 389 मनखे मन के होगे मउत

जय जोहार…. (corona) देस म बीते 24 घंटा म कोरोना के 25 हजार ले जादा नवा मामला मिले हे । उहें 44157 मरीज मन ह कोरोना ल मात दे दे हे, जेखर बाद ओमन ल अस्पताल ले छुट्टी दे दे गे हे , जबकि इलाज के दउरान 389 संक्रमित मन के मउत हो गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 25 हजार 072 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 24 लाख 49 हजार 306 हो गे हे। जेमा ले तीन लाख 33 हजार 924  एक्टिव मामला हे।

उहें 3 करोड़ 16 लाख 80 हजार 626 मरीज ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे है। ए वायरस ले देस म अब तक चार लाख 34 हजार 756 मरीज के मउत हो गे हे।