जय जोहार… (corona) प्रदेस म आज कोरोना के 26 नवा मरीज के पहिचान होय हे। उहें 25 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 1, राजनाँदगाँव ले 1, बेमेतरा ले1, रईपुर ले 6, गरियाबंद ले 1, बिलासपुर ले 2, जांजगीर-चांपा ले 1, सूरजपुर ले 1, बलरामपुर ले 1, जशपुर ले 1, कोंडागांव ले 1, दंतेवाड़ा ले 1, सुकमा ले 8 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 295 हो गे हे, जेमा ले 283 एक्टिव मामला हे। उहें 9 लाख 91 हजार 448 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13564 मरीज के जान चले गे हे।
No Comment! Be the first one.