corona: नई थमत हे कोरोना संक्रमण, प्रदेश म बीते 24 घंटा म मिले हे 2617 नवा मामला, राजधानी म घलो 780 पाजिटिव

जय जोहार…. छत्तीसगढ़ म कोरोना (corona) संक्रमित मन के संख्या ह कम होय के नाम नई लेवत हे। प्रदेश म पिछिले 24 घंटा म कोरोना के 2617 नवा मरीज मिले हे। उहचे 1176 मरीज मन ल बने होय के बाद डिस्चार्ज कर दे गे हे। जबकि इलाज के दौरान 19 लोगन मन के मौत हो गे हे।

सनिच्चर के जेन कोरोना (corona) के नवा मरीज के पहचान होय हे, ओमा रायपुर जिला ले 780, दुर्ग ले 323, राजनांदगांव ले 196, महासमुंद ले 184, धमतरी अऊ रायगढ़ ले 116-116, सुकमा ले 110, दंतेवाड़ा ले 106, बालोद ले 98, बिलासपुर ले 97, सरगुजा ले 72, मुंगेली ले 60, जांजगीर-चांपा ले 57, गरियाबंद ले 53, कोरबा ले 37, बस्तर ले 36, नारायणपुर ले 33, सूरजपुर ले 31, बलरामपुर ले 30, बलौदाबाजार ले 25, बेमेतरा ले 21, कोरिया ले 17, कबीरधाम ले 15 अऊ आन राज्य ले 4 शामिल हे।

बता दन कि राज्य म कोरोना संक्रमित मन के कुल संख्या ह बाढ़ के 84234 हो गे हे। जेमा ले 37489 एक्टिव मामला हे। उहचे 46081 मरीज मन ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 664 लोगन मन के मौत हो गे हे।