Corona: प्रदेश म पिछिले 24 घंटा म होय हे 263 नवा मामला के पहचान, रायपुर म घलो 75 पाजिटिव

जय जोहार…. (Corona) प्रदेश म बीते 24 घंटा म कोरोना के 263 नवा मरीज सामने आय हे। उहचे 143 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 2 मरीज के मौत हो गे हे।

पिछिले 24 घंटा म जेन कोरोना (Corona) के नवा मरीज मिले हे, ओमा रायपुर ले 75, दुर्ग ले 57, राजनांदगांव ले 14, गरियाबंद अऊ बिलासपुर ले 13-13, कोरिया ले 12, सरगुजा ले 11, बलौदाबाजार अऊ रायगढ़ ले 9-9, महासमुंद अऊ कोरबा ले 8-8, जशपुर ले 7, धमतरी अऊ बस्तर ले 4-4, सूरजपुर अऊ बलरामपुर ले 3-3, बेमेतरा, कबीरधाम अऊ कोंडागांव ले 2-2 मरीज सामिल हे।

बता देन कि प्रदेश म कोरोना (Corona) संक्रमण के मामला ह 3 लाख 10 हजार 732 हो गे हे। जेमा ले 3102 एक्टिव मामला हे। उहचे 3 लाख 03 हजार 835 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3795 मरीज मन के मौत हो गे हे।