corona : देस म बीते 24 घंटा म मिले हे कोरोना के 265 नवा मामला, 3 मरीज के होगे मउत

जय जोहार। देस म कोरोना (corona) के मामला एक घांव फेर बढ़त हे। पिछले 24 घंटा म देस म कोरोना के 265 नवा मामला मिले हे । जबकि 3 मरीज मन के मउत हो गेहे। उंहे 1209 मरीज मन ह कोरोना ले ठीक हो गेहे।

स्वास्थ्य मंत्रालय के मुताबिक देस म कोरोना के एक्टिव मामला 2,706 हे । पॉजीटिविटी रेट 0.17% अउ रिकवरी रेट 98.8% के आसपास हे। स्वास्थ्य मंत्रालय के अनुसार अब तक 220.10 करोड़ वैक्सीन के डोज दे जा चुके हे । बीते 24 घंटा म 64 हजार 239 डोज दे गेहे। एखर पहिले शनिवार के 226 नवा केस मिले रिहीन । उंहे शुक्रवार के 243 नवा मामला रिपोर्ट करे गे रिहीन ।