जय जोहार…. (Corona) प्रदेश म पिछिले 24 घंटा म कोरोना के 265 नवा मरीज के पहचान होय हे। उहचे 362 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 3 संक्रमित के मौत हो गे हे।
बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 70, दुर्ग ले 37, कोरबा ले 19, रायगढ़ ले 18, धंमतरी अऊ सूरजपुर ले 17, महासमुंद ले 12, सरगुजा अऊ कोरिया ले 10-10, राजनांदगांव ले 9, बलौदाबाजार अऊ बिलासपुर ले 7-7, बस्तर ले 6, बेमेतरा ले 5, जशपुर ले 4, जांजगीर-चांपा, मुंगेली अऊ कोंडागांव ले 3-3 मरीज सामिल हे।
बता देन कि प्रदेश म कोरोना (Corona) संक्रमण के मामला ह बाढ़ के 3 लाख 07 हजार 790 हो गे हे। जेमा ले 4190 एक्टिव मामला हे। उहचे 2 लाख 99 हजार 856 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3744 लोगन मन के मौत हो गे हे।
Other Articles
