corona : प्रदेस म आज मिले हे कोरोना के 27 नवा मरीज, रईपुर म घलो 5 पॉजिटिव

जय जोहार… (corona) प्रदेस म आज कोरोना के 27 नवा मरीज सामने आय हे। उहें 32 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 2, बालोद ले 1, रईपुर ले 5, बलौदाबाजार ले 3, बिलासपुर ले 1, रायगढ़ ले 3, कोरबा ले 3, मुंगेली ले 3, गौरेला-पेंड्रा-मरवाही ले 1, दंतेवाड़ा से 2, बीजापुर से 2 अउ दूसर राज्य ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 07 हजार 038 हो गे हे, जेमा ले 332 एक्टिव मामला हे। उहें 9 लाख 93 हजार 113 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13593 मरीज के जान चले गेहे।