गरियाबंद । सहकारी समिति कोपरा के अध्यक्छ ल 27 हजार बारदाना के हेरा फेरी कर बेचे के आरोप म पद ले बर्खास्त कर देय गिस हे। समिति संचालक मन ह बारदाना हेराफेरी म अध्यक्छ के खिलाफ मोरचा खोले रहिन हे। मामला केजांच सहायक पंजीयक गरियाबंद ह करिस, जेमा सिकायत सही पाय गिस।
कोपरा समिति के किसान मन ह हेराफेरी उजागर होय के बाद अध्यक्छ के प्रति भारी रोस है। बता दन के सहकारी समिति कोपरा म पदाधिकारी चुनाव के बाद समिति म धान खरीदी के दउरान घलो धान शार्टेज एक बड़ मुद्दा उठाया गिस। पूरव म घलो समिति अध्यक्छ केसिकायत समिति के संचालक मंडल ह कलेक्टर ले करे रहिस हे। येमा कलेक्टर ह सहायक पंजीयक सहकारी संस्थान गरियाबंद ल जांच के आदेस देय रहिस हे। जांच म शिकायत सही पाय गिस । अध्यक्छ ह सन 2017-18 म 27 हजार बारदाने ल हेराफेरी करते हुए बेच दिस हे।
मनमानी अउ अनियमितता के सिकायत
पंजीयक कारयालय ले मिले जानकारी के अनुसार, साल 2017-18 म समिति अध्यक्छ ह 27 हजार बारदान मन के हेराफेरी करत हुए बेच देय रहिस हे। येमा समिति के संचालक मंडल के आठ सदस्य मन ह अध्यक्छ के मनमानी अउ अनियमितता ले लेके येकर सिकायत कलेक्टर से करे रहिस हे। मामली म कलेक्टर ह संबंधित बेभाग के सहायक पंजीयक भलेरियन टोप्पो ल जांच बर अधिकृत करिस। जांच म अध्यक्छ के खेलाफ अनियमितता के सिकायत सही पाय गिस।
सहायक पंजीयक टोप्पो ह कहिन के अध्यक्छ के खेलाफ संचालक मंडल के आठ सदस्य मन ह अनियमितता के सिकायत करे रहिस हे। जांच म मिलिस के अध्यक्छ ह 27 हजार बारदाना ल बेच दिस हे। बारदाना मूल्यांकन बर भेजे गेहे। अनियमितता के चलत समिति अध्यक्छ ल पद ले पृथक कर देय गेहे हे।
