Corona: प्रदेश म पिछिले 24 घंटा म सामने आय हे 276 नवा मरीज, रायपुर म घलो 63 पाजिटिव
जय जोहार…. (Corona) प्रदेश म बीते 24 घंटा म कोरोना के 276 नवा मामला मिले हे। उहचे 220 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 2 मरीज के मौत हो गे हे।
बीते 24 घंटा म जेन कोरोना (Corona) के नवा मरीज सामने आय हे, ओमा दुर्ग ले 69, रायपुर ले 63, महासमुंद अऊ रायगढ़ ले 17-17, राजनांदगांव अऊ बिलासपुर ले 15-15, जशपुर ले 13, कोरिया ले 12, गरियाबंद ले 11, सरगुजा ले 7, बलौदाबाजार ले 6, कोरबा ले 5, सरगुजा अऊ बस्तर ले 4-4, बालोद, धमतरी, जांजगीर-चांपा अऊ कांकेर ले 3-3 मरीज सामिल हे।
बता दें कि प्रदेश (Corona) म कोरोना संक्रमित मन के संख्या ह 3 लाख 10 हजार 210 हो गे हे। जेमा ले 3005 एक्टिव मामला हे। उहचे 3 लाख 03 हजार 415 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3790 संक्रमित मन के मौत हो गे हे।
