Corona: देश म बीते 24 घंटा म कोरोना के 13 हजार ले जादा नवा मामला के पहचान, पढ़व

जय जोहार…. (Corona) देश म पिछिले 24 घंटा म कोरोना के 13 हजार ले जादा नवा मामला के पहचान होय हे। उहचे इलाज के दौरान 97 संक्रमित मन के मौत हो गे हे।

केंद्रीय स्वास्थ्य मंत्रालय ले जारी आंक़ड़ा के मुताबिक देश म बीते 24 घंटा म कोरोना (Corona) के 13193 नवा मरीज मिले हे, एला मिला के देश म कोरोना संक्रमण के मामला ह बाढ़ के 1 करोड़ 09 लाख 63 हजार 394 पहुंच गे हे। जेमा ले 1 लाख 39 हजार 542 एक्टिव मामला हे।

उहचे 1 करोड़ 06 लाख 67 हजार 741 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 56 हजार 111 लोगन मन के मौत हो गे हे।