जय जोहार…. प्रदेश म कोरोना (corona) संक्रमित मरीज मन के संख्या ह सरलघा बाढ़त जावत हे। राज्य म आज कोरोना के 277 नवा मरीज मिले हे।
उहचे 267 मरीज मन ह कोरोना ले जंग जीत गे हे, जेखर बाद ओ मन ल डिस्चार्ज कर दे गे हे। जबकि आज इलाज के दौरान एक मरीज के मौत हो गे हे।
आज जेन कोरोना (corona) के नवा मरीज मिले हे, ओमा रायपुर ले 138, राजनांदगांव ले 20, दुर्ग ले 19, बिलासपुर अउ बस्तर ले 18-18, नारायणपुर ले 11, रायगढ़ अउ बलौदाबाजार ले 8-8, सरगुजा अउ गरियाबंद ले 6-6, कबीरधाम ले 5, कोरबा अउ मुंगेली ले 4-4, बलरामपुर, जशपुर अउ दंतेवाड़ा ले 3-3, कांकेर ले 2, जांजगीर-चांपा ले 1 मरीज शामिल हे।
बता देन कि प्रदेश म कोरोना (corona) संक्रमित कुल मरीज मन के संख्या ह बाढ़ के 8257 हो गे हे। जेमा ले 2772 एक्टिव मामला हे, जेखर मन के अलग-अलग कोविड अस्पताल म इलाज चलत हे।
उहचे 5439 लोगन मन ल बने होय के बाद डिस्चार्ज कर दे गे हे। ए वायरस ले प्रदेश म अब तक 46 लोगन मन के मौत हो गे हे।
