Corona: देश म बीते 24 घंटा म बाढ़ गे कोरोना के 3.23 लाख ले जादा नवा मरीज, पढ़व
जय जोहार…. देश म कोरोना (Corona) संक्रमण के मामला कम होय के नाव नई लेवत हे। देश म बीते 24 घंटा म कोरोना के 3.23 लाख के पार नवा मरीज मिले हे। उहचे 2 लाख 51 हजार 827 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 2771 मरीज मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म कोरोना (Corona) के 3 लाख 23 हजार 144 नवा मामला के पहचान होय हे। एला मिला के देश म संक्रमित मन के संख्या ह 1 करोड़ 76 लाख 36 हजार 307 हो गे हे। जेमा ले 28 लाख 82 हजार 204 एक्टिव मामला हे।
उहचे 1 करोड़ 45 लाख 56 हजार 209 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 97 हजार 894 मरीज मन के मौत हो गे हे।
