जय जोहार…. छत्तीसगढ़ म पिछिले 24 घंटा म कोरोना (Corona) के 320 नवा मामला दर्ज करे गे हे। उहचे 142 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 1 संक्रमित के जान चले गे हे।
बीते 24 घंटा म जेन कोरोना (Corona) के नवा मरीज मिले हे, ओमा रायपुर ले 96, दुर्ग ले 65, सूरजपुर अऊ बिलासपुर ले 19-19, राजनांदगांव ले 18, सरगुजा ले 17, बलौदाबाजार अऊ कोरबा ले 13-13, जशपुर ले 12, जांजगीर-चांपा ले 8, बस्तर अऊ बलरामपुर ले 6-6, रायगढ़ ले 5, कबीरधाम ले 4, बालोद, धमतरी, महासमुंद अऊ कांकेर ले 3-3, मुंगेली अऊ कोरिया ले 2-2, बेमेतरा, गरियाबंद अऊ कोंडागांव ले 1-1 मरीज सामिल हे।
बता देन कि प्रदेश म कोरोना (Corona) संक्रमण के मामला ह 3 लाख 14 हजार 640 हो गे हे। जेमा ले 2919 एक्टिव मामला हे। उहचे 3 लाख 07 हजार 862 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3859 मरीज मन के मौत हो गे हे।
No Comment! Be the first one.